Tydens Kwartaal 1 en 4 word Dinsdaemiddae geallokeer as die skool se swem dag. Dit word beskou as ‘n verpligte skool aktiwiteit vir alle leerders vanaf Graad R – 7. Beplan assbelief u kind se ander aktiwiteite daarvolgens.
Schwimmfest verwys na ons jaarlikse swembyeenkoms, waar ouers, grootouers, oudskoliere en vriende die twee tuisspanne, Haie en Delfine, kom ondersteun. Die beste vordering word ook aangekondig! Hier gaan dit nie oor die vinnigste en beste swemmer nie, maar oor dáárdie kind, wat aan die begin van die jaar bang was en skielik voor of tydens die gala ontpop het in ‘n swemmer met selfvertroue, wat sonder hulp sy lengtes kon voltooi, steeds met ‘n positiewe houding en ‘n glimlag op die gesiggie. Die Schwimmfest sluit op ‘n hoë noot af met die verskeie aflosse tussen skoliere en oudskoliere en die familie aflos, waar families teen mekaar deelneem.
