Ek dink DSK is ‘n fantastiese geleentheid vir enige kind, om ‘n goeie akademiese basis te lê vir hulle toekomstige studies en beroep. Die klein klasse gee die voordeel, dat al die leerders baie goeie individuele aandag kry van die onderwysers. Die standaard van die onderrig is ook baie hoog, wat beteken, dat die leerders ‘n goeie voorsprong het as hulle die skool verlaat, in vakke soos Wiskunde en Tale veral. Die trippel medium het my ongelooflik baie gehelp in ‘n Afrikaanse Hoërskool en Universiteit en dan nou in ‘n meer Engelse werksomgewing. Ek kan met enigiemand kommunikeer, al verkies hulle Engels, Afrikaans of natuurlik nou selfs Duits. In die skool leer mens, om met sy mede-skoliere te werk en take as ‘n span te voltooi en jou spesifieke taak in ‘n span tot die beste van jou vermoë te voltooi.

Ek is glad nie spyt, dat my skool loopbaan by DSK begin het nie.